Груби: Настанот беше изненадување за Ахмети, протоколите беа почитувани
Вицепремиерот и министер за политички систем Артан Груби во изјава за „А1он“ тврди дека функционерите од ДУИ ги почитувале протоколите при прославата на роденденот на партискиот лидер Али Ахмети во новите објекти на Министерството.
-Протоколите првествено ги почитуваме за наше лично здравје и за нашите семејства како и за граѓаните, тврди Груби.
Сепак, на фотографијата која ја објави министерот за надворешни работи, Бујар Османи, а подоцна и ја избриша од Фејсбук се гледа дека 15-те функционери ниту носат маски, ниту одржуваат дистанца и се седнати еден до друг.
Груби вели дека настанот бил мало изненадување за Ахмети.
-Настанот се организира на првиот работен ден во новата година и според протоколите. Сликата објавена од Османи беше само еден момент за заедничка слика при мало изненадување што колега го приреди за господинот Ахмети, слично како и минатата година во Собранието, искористувајќи го неговото присуство, истакнал Груби.
Случајно или не, на истиот ден Министерството за политички систем се всели во новите простории во зградата на ПУИГ. Таму освен Министерството ќе се сместат и други институции од значење за соживотот, како што се Агенцијата за остварување на правата на заедниците, Управата за афирмирање на културата на припадниците на заедниците и Националниот албански Ансамбл. Груби вчера на социјалните мрежи објави фотографии од мебелот и од просториите на зградата пишувајќи „Нашиот нов дом“.
Ново на Сител
-
НБРМ со надолна корекција на растот на македонската економија
-
Петто 4х4 рели во Крушево
-
Преглед на вестите од светот
-
Тема на денот со Лилјана Поповска
-
Гордана Силјановска Давкова положи заклетва во Парламентот и ја презеде функцијата претседател
-
Гордана Силјановска Давкова положи заклетва во Парламентот и ја презеде функцијата претседател
-
Ни Северна, ниту Република: Силјановска се заколна во Македонија - стигнаа реакциите
-
Борисов: Мицкоски ми е добар пријател, го повикувам да престане да зборува, изборите поминаа