Градска управа на Киев: Од почетокот на војната во главниот град загинале 222 лица

Градската управа на Киев денеска соопшти дека од почетокот на војната во земјата, на 24 февруари, досега во главниот град загинале вкупно 222 лица, од кои 60 биле цивили и четири деца.

Британските медиуми наведуваат дека во се почестите и пожестоки напади врз главниот град повредени се уште 889 лица, меѓу кои 241 цивил, повикувајќи се на податоците на Градската управа на Киев.

Главниот град и денеска беше гранатиран, а притоа загина едно лице, додека околу 20 беа повредени, меѓу кои и четири деца. Оштетени се шест згради.

-Русија го гледаше Киев како своја главна цел – надевајќи се дека ќе ја собори сегашната влада и ќе постави марионетска верзија – но нејзините сили беа запрени поради логистички проблеми и жестока одбрана на Украинците“, се наведува од градската управа на Киев.