Главната опозициска партија во Турција ќе побара пребројување на 60 отсто од гласачките ливчиња на референдумот

Главната опозициска партија во Турција ќе побара пребројување на 60 отсто од гласачките ливчиња на референдумот за уставни измени, изјави Ердал Аксјунгер, заменик-претседател на Народнорепубликанската партија.

Партијата претходно соопшти дека при спроведувањето на референдумот биле извршени „незаконски активности“.

Лидерот на турската Партија на националистичко дејствување Девлет Бахчели, пак, изјави дека резелутатите од референдумот за уставни измени треба да се почитуваат.

Тој ги оцени резултатите како неспорен успех. Партијата на Бахчели ги поддржа уставните измени.

Според првичните неофицијални резултати од референдумот при преброени 99 отсто од гласовите, за поддршка на уставните измени гласаа 51,3 отсто од турските избирачи. Одѕивот на референдумот изнесувал 86 отсто. Но трите најголеми градови во Турција, Истанбул, Анкара и Измир гласаа со „не“ на референдумот.