Германската полиција разби криминална група за шверц со луѓе
Германската полиција изутринава започна акција во Берлин против меѓународна криминална група, која е специјализирана за шверц со луѓе.
Полицијата изврши претрес во вкупно 11 објекти и издаде налог за апсење на еден албански државјанин, соопшти портпарол на полицијата.
Во станот на осомничениот биле откриени четири лица, за кои постои сомнеж дека се жртви на шверц со луѓе. Исто така, пронајдени се и повеќе документи, меѓу кои и пасоши.
– Во потрага сме по докази, со цел да се уапси групата осомничени, се додава во полициското соопштение.
Според весникот „Билд“, криминалната група е составена од членови со потекло од Грција, Северна Македонија, Косово, Албанија, но и од Германија. Тие главно патувале со автобуси и авиони како туристи во Германија, каде бандата им давала лажни грчки или италијански дозволи за работа.
Цената е формирана зависно од квалитетот на фалсификуваните документи, а познато е дека морале да плаќаат меѓу 5.000 и 9.000 евра по лице. Воспоставувањето контакт со бандата е овозможено преку локални туристички агенции, а на „клиентите“ времено им се давале на користење и станови во Берлин.
Ново на Сител
-
Андоновски: Со или без балансер правична застапност треба да има
-
Филипче: Власта има обврска да сподели информации
-
Наскоро нови 500 милиони евра од Унгарија
-
ДКСК: Синот на Мицкоски сам си платил за престојот во САД
-
Раскинат договорот со фирмата која ги хранеше војниците
-
Преглед на вестите од светот
-
Аналитичари: Ако се укине балансерот, можни се турбуленции во политиката
-
Мајка и ќерка пронајдени мртви во тетовско Слатино