Фестивалот на пантомима „Панфиз“ почнува со претстава од Финска
Три претстави ќе бидат изведени на 12. Интернационален фестивал на пантомима и физички театар „Панфиз“ кој ќе биде отворен вечер од 20 часот на големата сцена во Македонскиот народен театар со претставата „Боди ноутс“ (Body Notes) на театарската трупа „Мимо арт“ од Хелсинки.
Претставата од Финска која требаше да гостува на минатогодошниот „Панфиз“ е дел и од програмата на годинашното „Скопско лето“. Според уметничкиот директор на „Панфиз“ Трајче Ѓорѓиев, се работи за атракција што фасцинира со артикулираната сценска физичка игра, во исто време кокетирајќи со танцот како ад хок израз.
Утревечер на „Панфиз“ ќе има две претстави на малата сцена на МНТ – „Белиот Бип” на театарот „Метаморфози“ од Бугарија од 20 часот и македонскиот проект „Скопје ‘63” на театарот „Страница” од 21.30 часот.
Оваа година на „Панфиз“ ќе се одржува еднонеделна буто-работилница под водство на Марко Нектан од Србија, со група од десетина македонски артисти. Од работилницата ќе произлезе четвртата претстава на „Панфиз 2019” која и ќе го затвори фестивалот на 3 јули од 20 часот – буто-перформансот „Кабаре на апсурдот”.
По изведбата ќе биде доделена единствената награда за најдобра претстава, чиј спонзор и оваа година е семејството Пацови од Бугарија.
Ново на Сител
-
Вреди: Не треба да се отвораат старите рани
-
Победа над Фарски Острови - македонските ракометари се пласираа на Светско
-
Пендаровски се заблагодари на граѓаните за укажаната доверба
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден