Европратениците бараат повлекување на предлогот за генетски модификувана пченка и каранфили
Комисијата треба да го повлече својот предлог со кој ќе се дозволи увоз и продажба во ЕУ на одредени видови генетски изменети каранфили и пченка. Во спротивно, тоа ќе значи поттикнување на употребата на хербициди како антидиабетски. Покрај тоа, предложената пченка е отпорна на глифосат, класифициран како „веројатно канцероген" од страна на Светската здравствена организација (СЗО), се вели во текстот на двете резолуции усвоени од европратениците, јавува дописникот на МИА од Стразбур.
Пратеници со 430 гласа „за“, 188 „против“ и 33 воздржани, се спротиставија на документот на Европската комисија во кој се предлага да се овозможи увоз и продажба во ЕУ на декоративни генетски изменети каранфили SHD-27531- 4, отпорни на сулфонилуреа хербициди.
Пратениците нагласија дека сулфонилуреата, која е вообичаена опција за втората линија против дијабет од тип 2, исто така се користи како хербицид, но дека тој е високо токсичен за растенијата во многу ниски дози. Така, „со создавањето на пазар за растенија отпорни на сулфонилуреи се поттикнува употребата на лекот против дијабетес како хербицид во светот", со што има ризик од „негативно влијание врз глобалниот биодиверзитетот и може да предизвика хемиски контаминација на водата за пиење“.
Пратениците, исто така со 426 гласа „за“, 202 „против“ и 33 воздржани, одбија со посебен предлог да се дозволи увоз и продажба во ЕУ на генетски модифицирана пченка, производи кои содржат Bt11 х MIR162 x MIR604 х GA21 или на генетски модифицирана пченка комбинирање на две или три од настаните Bt11, MIR162, MIR604 и GA21, како и производи во кои е застапена оваа пченка. Тие истакнуваат дека некои од овие својства даваат заштита против одредени штетници, но пченката МОН-ØØØ21-9 е отпорна на хербицидот глифосат, класифицирани како "веројатно канцерогени" за луѓето од Светската организација за здравје.
Ново на Сител
-
Производителите на пченица бараат повисоки откупни цени – откупувачите не даваат
-
Тема на денот со Горан Благоев, верски аналитичар и историчар од Софија
-
Коце Трајановски нов директор на Државни патишта, СДСМ критикува
-
Чибишев и поднел пријава на Бесија Иљази зошто незаконски им исплатила 650.000 денари на договорците
-
Судскиот совет има напредок, но и уште многу работа - Реакции на меѓународната заедница
-
Радев: Мицкоски нема познавање од меѓународно и уставно право
-
Приватните превозници нема да возат, бараат исплата на долг од над 2 милиони евра
-
Ни волшебно стапче нема да помогне за учениците во седмо одделение да имаат нови учебници