Еврокомесарите Хан, Вархеј и Џентолини со позитивни оценки од средбите со Бесими: Репубика Македонија продолжува со реформскиот пат
Еврокомесарите за буџет и администрација Јоханес Хан, за соседство и преговори за проширување Оливер Вархеји и за економија Паоло Џентолини излегоа со позитивни оценки за средбите со министерот за финансии Фатмир Бесими во Брисел, посочувајќи дека Република Македонија продолжува со реформите поврзани со членството во Европската унија.
– Добра дискусија со министерот за финансии Фатмир Бесими денеска. Важно е дека Македонија продолжува да испорачува ЕУ реформи. Исто така, фокусот беше на Економско-инвестицискиот план за Западен Балкан – неговата имплементација ќе биде клучот за пост-ковид заздравување, напиша еврокомесарот Вархеји на Твитер.
Еврокомесарот Хан, исто така на Твитер, наведе дека му било задоволство да се сретне со Фатмир Бесими, министер за финансии на Македонија.
– Имавме плодна дискусија за постковид економското заздравување и мерките кои треба да се преземат. ЕУ продолжува да ја поддржува земјата и земјите од Западен Балкан во нивните реформски патеки. Фокусот останува на владеење на правото, напиша Хан.
Министерот Бесими е во дводневна официјална посета на Брисел во рамки на која има повеќе средби со еврокомесари, со директорот на Директоратот за соседство и проширување и со Светска банка.
Ново на Сител
-
Нови меѓусебни реакции на релација Софија - Скопје
-
Путин поддржува примирје
-
Тема на денот со Владо Мисајловски, министер за одбрана
-
50 години клиника за нефрологија – годишно на дијализа завршуваат околу 300 нови пациенти
-
5-ти смртен случај со грип оваа сезона
-
Доживотен затвор за убиецот кај Мавровка
-
Обвинителството поднесе жалба за куќниот притвор за Асмир Јахоски
-
Мицкоски: 5% од судиите и обвинителите се последниот штит на криминалите на владата СДС-ДУИ