ЕУ денеска ги отвора границите, примената е во надлежност на секоја земја членка
Советот на ЕУ ја усвои препораката за укинување на привремените ограничувања за патување во ЕУ за граѓаните на 15 држави од целиот свет, но, исто така, предупреди дека примената на оваа препорака е исклучиво во надлежност на земјите-членки.
Советот на ЕУ потенцира дека препораката нема законски карактер и дека земјите-членки се „одговорни за спроведување на содржината на препораката“, што практично значи дека на граѓаните на 15-те земји на списокот автоматски и под исти условите не им е дозволен влезот во сите земји-членки на ЕУ.
„Земјите-членки можат, на транспарентен начин, постепено да ги зголемуваат патните ограничувања само за наведените земји. Тие не треба да решаваат да ги укинат патните ограничувања за оние земји што не се на списокот пред да се постигне координиран договор“, се наведува во соопштението на Советот на ЕУ.
Ова практично значи дека на граѓаните на државите на списокот автоматски и под истите услови не им е дозволено да влезат во сите земји-членки на ЕУ.
Чешка веќе сооопшти дека ќе ги отвори своите граници само за осум земји од оваа листа, а за Србија и Црна Гора дури и „без ограничувања“, односно без тестови и карантин.
Од друга страна, Германија допрва треба да одлучи дали и под какви услови ќе дозволи влез на граѓаните од државите од „договорениот список“.
На списокот на земји што од денеска ќе им бидат отворени границите за влез во ЕУ се Србија, Црна Гора, Алжир, Австралија, Канада, Грузија, Јапонија, Мароко, Нов Зеланд, Руанда, Јужна Кореја. , Тајланд, Тунис, Уругвај и Кина.
Советот на ЕУ потенцира дека овој список ќе се ажурира на секои две недели во согласност со најновите епидемиолошки податоци.
Ново на Сител
-
Вреди: Не треба да се отвораат старите рани
-
Победа над Фарски Острови - македонските ракометари се пласираа на Светско
-
Пендаровски се заблагодари на граѓаните за укажаната доверба
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден