ДПМ организира поетска средба во родната куќа на Конески во Небрегово
„Во чест на Блаже Конески“ е насловена поетската средба која денеска напладне Друштвото на писателите на Македонија ќе ја организира во прилепското село Небрегово, во рамки на кампањата за ревитализација на родната куќа на големиот македонски поет, книжевен научник и лингвист.
На поетската средба, која доби поддршка од проектот на Министерството за култура „Нов културен бран“, ќе настапат 20 истакнати поети од различни генерации. Со своите стихови поетите на ДПМ ќе му оддадат почит на Блаже Конески, првиот претседател на македонската писателска асоцијација која годинава одбележува 70 години од своето формирање.
Манифестацијата во родната куќа на Блаже Конески во Небрегово ќе ја отвори претседателот на ДПМ Веле Смилевски, а ќе се обратат и писателот Милован Стефановски, во чиј мандат како претседател на ДПМ во 1998 беше поставена спомен-плоча на куќата на Конески, и проф. д-р Људмил Спасов, претседател на Советот за македонски јазик при Владата на Република Македонија.
- Друштвото на писателите на Македонија планира низа активности со цел спомен-куќата на Блаже Конески во селото Небрегово постојано да пулсира со книжевни средби, симпозиуми, литературни и јазички работилници за творци, љубители на литературата, ученици и студенти. За остварување на ваквата цел ДПМ ќе соработува со сите релевантни фактори, пред се со Филолошкиот факултет „Блаже Конески“ од Скопје, Институтот за македонска литература и Институтот за македонски јазик „Крсте Мисирков“, соопшти ДПМ.
Друштвото на писателите на Македонија секоја година ги одржува Деновите на Блаже Конески по повод неговиот роденден (19 декември 1921). Во рамки на оваа манифестација е и традиционалната „Средба на генерациите“ на која настапуваат поети, членови на ДПМ. Друштвото на писателите на Македонија ја востанови и наградата „Повелба Блаже Конески“ и нејзин прв добитник е поетот и академик Матеја Матевски.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово