Девојче од Гостивар пријавило дека било киднапирано

Шеснаесетгодишно девојче од Гостивар вчера пријавило дека било киднапирано од три непознати лица кои насила ја одвлекле со возило во непознат правец и по два часа ја вратиле дома.

Како што соопшти МВР, синоќа од Медицинскиот центар во Гостивар се јавиле во Полициска станица во Гостивар дека кај нив за преглед се јавило 16-годишно девојче од гостиварско село и им кажало дека било противправно лишена од слобода.

По извршениот разговор во присуство на работник од Центарот за социјални работи, девојчето изјавило дека истиот ден околу 17 часот на враќање од продавница, во близина на неговата куќа, застанало ПМВ во кое имало три непознати лица, од кои еден на сила ја внел во возилото. По кажување на девојчето со возилото се возеле околу 20 минути во непознат правец, по што влегле во напуштена хала, од каде околу 19 часот ја вратиле дома. Се преземаат мерки за целосно расчистување на случајот.