Деветгодишно дете од село Ларце повредено во судар на две возила кај Групчин

Вчера во 15.40 часот на локалниот пат село Групчин-село Ларце, тетовско, се случила сообраќајна незгода помеѓу патничко возило ,,Форд Фокус“ со тетовски регистарски ознаки, управувано од А.А. (64) од село Ларце и патничко возило ,,Мерцедес“ со германски регистарски ознаки, управувано од Џ.Џ. (28) од село Желино.

Во незгодата со повреди се здобило деветгодишно дете од село Ларце -сопатникот од возилото „Форд Фокус“.

Со друго возило момчето било пренесено во Клиничка болница Тетово и по укажаната лекарска помош било задржано на понатамошно лекување.

Увид на местото на настанот извршила екипа од СВР Тетово.