Царината одбележува 26 години самостојност и независност
Царинската управа на Република Македонија денеска ќе го одбележи Денот на царината - 16 април, со кој означува 26 години самостојна и независна царинска управа во РМ.
Свечена церемонија ќе се одржи во Музејот на современа уметност на која ќе бидат презентирани постигнатите резултати на Царинската управа во 2017 година, како и целите кон кои царината ќе биде насочена во идниот период.
На свеченоста внимание ќе се посвети и на развојот на дигитализацијата на царинската служба, односно „Царината некогаш и денес“.
Дел од царинскиот празник ќе биде и темата „Херои на секојдневието“, по која неколку царински службеници ќе презентираат со какви ситуации и случки се соочуваат во секојдневното работење.
На свечената церемонија на соработниците на Царинската управа ќе им бидат врачени плакети и признанија за успешна соработка.
На свеченоста е најавено присуство на претставници на државата, Владата, министерствата, дипломатскиот кор, претставници на науката и бизнис заедницата, колегиумот на Царинската управа и други.
Ново на Сител
-
Гордана Силјановска Давкова положи заклетва во Парламентот и ја презеде функцијата претседател
-
Ни Северна, ниту Република: Силјановска се заколна во Македонија - стигнаа реакциите
-
Борисов: Мицкоски ми е добар пријател, го повикувам да престане да зборува, изборите поминаа
-
Дали градинките не треба да примаат родители на завршните приредби поради голема кашлица?
-
Македонските водичи бараат поголеми контроли од инспекторите
-
Националната мрежа на земјоделци бара системски решенија за македонскиот аграр
-
Дел од туристите пребирливи во своите барања на одмор
-
Преглед на вестите од светот