Британија ќе загуби над 300 милијарди евра поради Брегзит, тврди германски експерт
Британската одлука за напуштање на ЕУ ќе ја погоди економијата на целиот блок, но се очекува самата Велика Британија да загуби над 300 милијарди евра до 2030 година, тврди германскиот експерт Андреас Есер.
- Ова е ситуација во која секој губи, земјите членки на ЕУ и најдраматично самата Британија, истакна Есер, кој е шеф на економскиот оддел на фондацијата „Бертелсман“.
Ако останатите 27 држави во ЕУ применат остри мерки против Велика Британија, нејзината економска изолација може да има сериозни последици, смета експертот. Тој прогнозира дека германската економија, исто така, може да загуби над 55 милијарди евра од трговски зделки.
- Британците гласаа за етапа на небезбедност, нагласи Есер, додавајќи дека оваа небезбедност ќе има негативно влијание врз потрошувачките трошоци и инвестициите, водејќи до пониски економски показатели во следните месеци и години.
Бруто домашниот производ на Велика Британија може да се намали за 14 проценти до 2030 години, кога ќе се почувствуваат целосно последиците.
Над 50 отсто од британската трговија е со државите од ЕУ, се наведува во извештајот. Доколку земјата ги загуби трговските привилегии, царината ќе ја зголеми цената на размена на стоки и услуги.
Банкарскиот сектор, кој е од првостепено значење за британската економија, исто така ќе се соочи со проблеми поради изолацијата, бидејќи инвеститорите веројатно ќе се повлечат.
Од сето тоа најголема корист би можеле да имаат други финансиски центри во Европа, како Франкуфрт и Париз, смета германскиот експерт.
Ново на Сител
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово
-
Курти: Неизрекувањето санкции ја охрабрува агресивноста на Србија
-
Министерот Тошковски во посета на ОВР Кичево и полициските одделенија Зајас и Осломеј
-
Украден сеф со пари од менувачница во Чаир
-
Две жени пријавиле семејно насилство, едната од сегашниот другата од поранешниот сопруг
-
МЗ: Позитивен став кон приватните специјализанти, но решение после изборите
-
Трагите од предметите пронајдени во автомобилот во кој била убиена двегодишната Данка издадени на вештачење