Зеленски: Украина треба да ја зајакне противвоздушната одбрана за да ги заштити луѓето

Украинскиот претседател Володимир Зеленски денеска изјави дека Украина треба да ја зајакне својата противвоздушна одбрана за да ги заштити луѓето откако нејзините единици за противвоздушна одбрана соборија 50 од 73 руски беспилотни летала лансирани во текот на ноќта во многу региони.

„Предупредувањето (за напад) се слушаше речиси секојдневно низ цела Украина оваа недела“, напиша Зеленски на каналот Телеграм, пренесе Ројтерс.

Во текот на изминатата недела, Русија употреби повеќе од 800 насочувани воздушни бомби, околу 460 нападни беспилотни летала и повеќе од 20 проектили од различни типови, рече Зеленски.