Авганистан: Во самоубиствен напад убиени најмалку 18 лица
Најмалку 18 лица загинаа, претежно цивили, во денешниот самоубиствен напад со автомобил-бомба во источен Авганистан, извршен врз конвој на локалните сили за безбедност, соопшти портпаролот на Министерството за внатрешни работи.
Портпаролот прецизираше дека цел на нападот била група обезбедување на американските сили во провинцијата Хост. Повеќето од жртвите се цивили. Одговорноста за нападот ја презедоа талибанците, но нивниот портпарол соопшти дека убиени се 22 лица.
Во друг напад, во близина на автобуската станица и стадион, се повредени шестмина цивили, меѓу кои две деца.
Во борбите меѓу силите за безбедност и бунтовниците загинаа уште најмалку 36 лица во текот на првиот ден од светиот муслимански месец Рамазан.
Во северозападната провинција Бадгис, бунтовници ги нападнале силите за безбедност, при што се убиени 22 бунтовници, шестмина војници и осуммина цивили, соопшти портпаролот на гувернерот на покраината. Повредени се 33 бунтовници и 17 цивили.
Ново на Сител
-
Аналитички центар на Сител: Пресек на излезност до 13 часот
-
Просечна излезност до 11 часот
-
ОБСЕ: На крајот на денот ќе оцениме како се одржало гласањето
-
Аналитички центар на Сител: Просечна излезност до 9 часот
-
Министерот се премисли: Основците нема да одат на училиште во сабота
-
Агресијата кај учениците е резултат на целокупната состојба во државата
-
ВО ЖИВО: Нема настава во сабота
-
Тема на денот со претседателот на ДИК, Александар Даштевски