Атентат врз авганистанскиот претседател, Гани минал без повреди
Врз карванот во авганистанскиот претседател Ашраф Гани денеска бил изведен бомбашки напад, а претседателот, според првичните информации, останал неповреден и бил засолнет на безбедно место.
Во моментот на нападот Гани бил во провинцијата Парван, која ја посетил во рамки на неговата претседателска кампања.
Британските медиуми наведуваат дека на местото на нападот погинале најмалку 14 лица, додека Раша Тудеј и американските меидуми наведуваат дека во нападот има 24 жртви. Раша Тудеј, исто така, дознава дека бомбата била поставена под возило на службата за безбедност.
Портпаролот на авганистанскиот претседател, во изјава за американските медиуми, кажа дека Гани бил присутен за време на нападот, но дека не е повреден и се наоѓа на сигурно место.
Според некои информации, бомбата експлодирала на почетокот на средбата на насобраната толпа приврзаници на Гани.
Засега ниту една група не ја презеде одговорноста за нападот, а останува и нејасно дали претседателот била главната цел на терористите.
Ново на Сител
-
Таравари: ВРЕДИ во Владата ќе има 6 министерства и претседател на Собрание
-
Силјановска со културна дипломатија ги затоплува односите во Бугарија
-
Преспанскиот договор - Секојдневна тема во Атина
-
Детектор анкета: Секој трет размислува да се исели од Македонија
-
Уставен Суд ќе бира нов претседател, Кацарска без право на реизбор
-
Поројниот дожд направи штети, ЦУК апелира на внимателност
-
Недостигаат најмалку двајца инспектори за контрола во водниот сообраќај
-
Повторно доцни сеидбата на ориз во атарите на селата на Општина Чешиново-Облешево