Звучен сигнал на семафори за лицата со оштетен вид во Кавадарци
Во Кавадарци започна да се реализира проектот за поставување уреди за звучни сигнали на семафорите, со кои се олеснува движењето на слепите лица.
Кавадаречкиот градоначалник Александар Панов информираше дека звучни уреди веќе се поставени на една раскрсница во градот. Ќе се инсталираат звучни сигнали и на другите раскрсници.
- Ова беше барање на Здружението на слепи лица од Кавадарци и еве на радост на сите оние кои имаат вакви проблеми, нашиот традиционален соработник компанијата Електрософт, донираше звучни уреди за семафори. Ова е само почеток. Исти вакви донирани уреди, ќе има и на соседната раскрсница. Ќе ја разгледаме и можноста тоа да го реализираме на сите раскрсници во градот, со издвојување на определена сума финансиски средства од локалниот буџет, соопшти тој.
Нагласи дека локалната самоуправа и понатаму ќе се грижи за овие лица, во рамките на можностите.
Благодарност за звучниот сигнал на семафорите за лицата со оштетен вид, изрази Султана Јошева, претседател на Здружението на слепи лица од Кавадарци.
- За нас слепите лица ова е многу значајно. Тоа значи олеснување на нашиот секојдневен живот и подобро извршување на нашите вообичаени потреби, рече Јошева, нагласувајќи ја успешната соработка со општината и градоначалникот.
Таа информираше дека годинава заедно со локалната самоуправа реализираат проект за општокорисна работа, кој е многу значаен за слепите лица. Очекуваат соработката со општината да продолжи и понатаму.
Ново на Сител
-
Осигурителните компании не ја почитуваат препораката на Финансии, полисите и денеска по повисоки цени
-
Следува период на променливо време со повремени локални врнежи од дожд
-
РКЕ: Само 2,75 отсто од струјата е од увоз, на праг сме до енергетски независна држава
-
Мајката на починатата студентка од Кавадарци во Штип лани измасакрирала и запалила човек
-
Судир на два автомобили и камион со приколка на автопатот „Пријателство“, тешко повредено едно лице
-
Инцидент на Скопскиот аеродром: Србин скршил стакло на заштитна врата, полицијата го уапсила
-
Советот за безбедност на ОН денеска ќе расправа за Босна и Херцеговина
-
Вработените во ФЗОM на предупредувачки протест