-->
-->
ЗОИ:Русија остана без медал
-->
Руската карлинг федерација во четвртокот објави дека Александар Крушелнитскиј и Анастасија Бризгалова ќе ги вратат бронзените медали освоени во мешани двојки на натпреварот во карлинг на Зимските олимписки игри во Пјонгчанг.
Русите се решиле на ваков чекор откако пред три дена Крушелнитскиј падна на допинг-тестот.
„Судот секако ќе реши да ни го одземе медалот“, рекла портпаролката на Карлинг федерацијата на Русија, Валентина Паринова.
„Сепак, мора да признаеме дека неговиот тест бил позитивен на мелдониум, поради тоа ќе ги вратиме медалите“, дополнила таа.
Александар Крушелнитскиј во вторникот не се појавил на сослушувањето по повод допингот, а Русите покренале и криминалистичка истрага поради овој случај.
Руската мешана двојка во карлинг во борбата за бронзениот медал ја победи норвешката двојка Магнус Недреготен и Кристин Скаслијен со 8:4.
Недреготен по информацијата дека рускиот натпреварувач паднал на допинг-тестот побара од Интернационалниот олимписки комитет да ја повтори церемонијата на доделување медали бидејќи тој и неговата партнерка треба да го почувствуваат моментот на слава.
Интернационалниот олимписки комитет во декември ја суспендира Русија од Игрите во Пјонгчанг по истрагата дека во земјата постоел систем за допинг што бил спонзориран од државата. Меѓутоа, сите руски спортисти кои ги исполнија критериумите добија дозвола за настап, но се натпреваруваат под олимпиското знаме и под името Олимписки спортисти од Русија.
-->
-->
-->
Ново на Сител
-
Дарко Каевски тврди дека не е виновен
-
Турција ја одобри екстрадицијата на Љупчо Палевски-Палчо
-
Мицкоски: Очекувам ДУИ да оди во опозиција, немаме ни елементарна доверба за соработка со нив
-
Ново бебе алпака во скопската Зоолошка градина
-
Вучиќ: Една третина од новата српска влада ќе биде составена од нови луѓе
-
Осигурителните компании не ја почитуваат препораката на Финансии, полисите и денеска по повисоки цени
-
Следува период на променливо време со повремени локални врнежи од дожд
-
РКЕ: Само 2,75 отсто од струјата е од увоз, на праг сме до енергетски независна држава