Заради патолошка љубомора, бремена жена го убила партнерот пред трите деца
Во Копривница во Хрватска денеска е убиен 46-годишен маж, татко на три малолетни деца. Прва осомничена е неговата невенчана сопруга.
Според досегашните сознанија и пишувањата во хрватските медиуми, но и сведоштва на соседи, жената ја заклучила влезната врата и пред очи на децата го нападнала со нож сопругот, нанесувајќи му смртоносни убоди.
Нивната врска не била стабилна, таа пред извесно време го напуштила, но потоа се вратила со детето од првиот брак, а и самата бремена од сега починатиот Дејан Свилар.
Случајот во полиција го пријавило најмалото дете на убиениот.
Жената не сакала да ја пушти полицијата кога пристигнала, па тие морале да провалат во куќата, каде ги дочекала страшна сцена на злосторството.
Осомничената има 28 години и во прв момент е префрлена на психијатрискиот оддел во општата болница во Копривница, а по сите лекарски прегледи ќе биде пренесена во затворската болница во Загреб, каде ќе биде под постојан полициски надзор, дури и при породувањето.
Биолошките деца на убиениот сега се згрижени кај неговиот брат, кој најверојатно ќе го добие и старателството врз нив. Не се знае што ќе се случува со биолошкото дете на жената.
Според неофицијални информации, мотив за ова убиство е патолошка љубомора.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп