Запленети 4,8 килограми злато при влез на ГП Богородица
Царински службеници запленија 4,8 килограми златен накит со проценета вредност од 20,4 милиони денари, по контрола на автобус на граничниот премин Богородица при влез во државата.
Имено, царинските службеници на граничниот премин Богородица селектираа автобус кој сообраќал на линија Истанбул - Гостивар, при што е извршен детален претрес.
Во пределот за багаж е пронајдена црна торба, во која во 9 пакетчиња обвиткани со најлон е откриено злато со тежина од 4,8 килограми. Возачот кој првично изјавил дека нема ништо за пријавување по откривање на златото потврдил дека торбата е негова.
Нашите царински службеници се грижат за забрзан транспорт на легална трговија, но истовремено ги штитат приходите на државата спречувајќи шверц и криминал. Во случајот е спречено избегнување плаќање увозни давачки во износ од 5 милиони денари.
Случајот е преземен од страна на инспекторите од Одделението за истраги при Секторот за контрола и истраги при што против возачот ќе биде поднесена кривична пријава до Основното јавно обвинителство Гевгелија. Златото согласно закон ќе биде предадено во Народна банка.
Царинска управа
Ново на Сител
-
Демири: Разрешувањата на медицинските директори на Кардиохирургија и на Токсикологија се поради пропусти во нивната работа
-
МОН со препорака за скратени часови и со насоки за заштита на учениците од високите температури
-
ЕК усвои План за имплементација на Пактот за миграција и азил на ЕУ
-
Мицкоски: Меѓународните договори треба да се почитуваат, но тоа е двонасочна улица
-
Герапетритис утре во Скопје за министерскиот состанок и самитот во рамките на ПСЈИЕ
-
Мицкоски: Во вторник во Собрание ќе биде доставен составот на новата влада
-
Со распит на сведоци продолжи судењето за нападот врз Пендиков, секретарот на бугарскиот клуб од Охрид
-
Еден ден со нуркачкиот тим на Баталјонот на специјални сили „Волци“