Вучиќ: Компромисот со Албанците е од животен интерес за Србија
Српскиот претседател Александар Вучиќ ја потврди веста за продолжување на техничкиот дијалог меѓу Белград и Приштина на 26 февруари во Брисел, и воедно најави дека и тој лично ќе се состане со Хашим Тачи во Брисел кон крајот на овој или на почетокот од идниот месец.
Тој, објаснувајќи ја српската позиција во преговорите како многу тешка, на новинарите им изјави дека е потребен компромис-а не препуштање, рече Вучиќ по разговорот со студентите од Приштинскиот универзитет со седиште во Косовска Митровица.
- Ние мораме да се обидеме да постигнеме компромис со Албанците, а оние кои се противат, не разбираат дека со тоа губиме сите ние, Србија и Србите, бидејќи тешко дека ќе не има повеќе на Косово, изјави Вучиќ .
Тој додаде дека државниот врв и тој лично трпат притисоци, бидејќи тоа им е работа, да ја водат државата, но и дека мора сите да сфатат дека компромисот е од витално значење за Србија и за српскиот народ.
- Србија на политичката арена тешко ја издржува борбата со големите сили. Ние не се бориме против Приштина и нивните политички претсавници. Но, против нас се бори Приштина, заедно со Вашингтон и Лондон насекаде во светот и на секое место, изјави српскиот претседател, мислејќи на притисоците кои се вршат врз земјите да не го повлекуваат признавањето на косовската независност и на оние кои се уште тоа не го напаравиле.
- Наше е да не се обидуваме да ги добиеме битките кои не можеме да ги добиеме, но ќе се бориме се уште-секако со политички средства, изјави Вучиќ, укажувајќи на случаевите на повлекување на признавањето на Косово, што говори дека овој процес не е едностран.
Ново на Сител
-
Работниците ширум Европа и Азија бараат поголеми работнички права на првомајските демонстрации
-
Почнува уписот на првачиња за учебната 2024/2025 година
-
Максим дебитираше во ВАКО-ПРО со победа
-
Извонредна организација на АФН-9 ВАКО-ПРО кик бокс настанот во Скопје
-
ДС: Само силен синдикат е гарант за работничките права
-
Притвор од 30 дена за жител на Сопиште, пронајдена дрога во неговиот дом
-
Ковачевски: Нека ни е честит 1 Мај, СДСМ секогаш била на страната на работниците
-
Мицкоски: Работничките права се прекршени, државата не води грижа за тие кои се р`бетот на економијата