Втор пораз на македонските ракометари на Европското првенство
Македонската ракометна репрезентација загуби вечерва во Берлин од Германија со 34-25 во рамки на второто коло од групата А на Европското првенство.
По стартниот неуспех против Франција, вториот пораз во групната фаза на избраниците на селекторот Кирил Лазаров го навести веќе првото полувреме на дуелот во „Мерцедес Бенц Арена“ по кое Германците дојдоа до предност од 18-13.
Бодрени од околу 15.000 гледачи во Арената во Берлин, домаќинот на завршниот турнир од самиот почеток го презеде водството, кое постепено го зголемуваше за да достигне највисоки +7 во 25 минута (16-9).
Германците, кои со вечерашниот триумф обезбедија пласман во втората фаза, го отворија второто полувреме со три голови во низа за водство од 21-13.
Македонците одговорија со серија од 4-1, но уследи тајмаут на спротивната страна по кој Германија ги консолидираше редовите и во 48 минута на семафорот стоеше предност за домаќините од недостижни 29-20.
Најефикасен во македонските редови беше Ненад Костески со шест голови.
Македонските ракометари со поразите од Франција и Германија ги загубија шансите за пласман во вториот круг пред завршниот натпревар во вторник од 18 часот против Швајцарија, која претходно денеска одигра нерешено 26-26 против Франција.
Ново на Сител
-
Бојмацалиев: Вечна слава на загинатите припадници на македонската полиција во Диво Насеље
-
Од утре до 9 август во Косово ќе се менуваат српските возачки дозволи
-
Од утре до 9 август во Косово ќе се менуваат српските возачки дозволи
-
Девет години од настаните од „Диво Насеље“
-
Вучиќ и ја честита изборната победа на Сиљановска-Давкова
-
Евроамбасадорот Гир ја честита победата на Сиљановска-Давкова
-
Инаугурацијата на новиот претседател треба да биде најдоцна на 12 мај, кога истекува мандатот на Пендаровски
-
Новиот состав на Собранието треба да се конституира најдоцна 20 дена по изборите