Во Валандово референдум за рудникот Казандол
Во Валандово денеска ќе се одржи референдум на кој жителите на оваа општина треба да се изјаснат дали се за или против продолжување со работа на рудникот „Казандол“ и дали се за или против отворање рудници за металични минерални суровини на територијата на општината.
За референдумот да биде успешен треба да излезат најмалку 5.200 жители со право на глас.
На 3 јули годинава Советот на општина Валандово на вонредна седница го прифати барањето за референдум на граѓанската иницијатива „Спас за Валандово“ и едногласно донесе Одлука за негово распишување.
Во информацијата до медиумите во тек на активностите за добивање поддршка за распишување на референдумот од инцијативата „Спас за Валандово“ наведоа дека отворањето рударски комплекс ќе биде погубно за иднината на општина Валандово.
- Ова е прашање кое не може да биде затворено од неколку луѓе зад затворени врати, затоа што Валандовската котлина, климата и еколошки чистата средина ни е дадена од генерациите пред нас, но ни е позајмена од генерациите кои доаѓаат, велат од граѓанската иницијатива.
Согласно одлуката на советниците, за одржување на референдумот се обезбедени милион и 200 илјади денари од буџетот на Валандово.
Претходно, на референдум против изградба на нови рудници се изјаснија и жителите на Богданци, Дојран и на Гевгелија.
Ново на Сител
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО