Во полошко, казни за 15 превозници поради технички неисправни возила
СВР Тетово, во рамки на превентивно-контролни активности, вчера спроведе акциски контроли за проверка на техничката исправност на возилата кои вршат јавен превоз на патници.
Со вчерашната акциска контрола реализирана во Тетово од 9 до 14 часот, вкупно биле опфатени 30 автобуси, од кои 16 се испратени на технички преглед.
- Од нив, четири имале неисправни сопирачки, еден не се јавил на преглед. Првите ги очекува глоба од 400, а вториот од 300 евра во денарска противвредност. На петте возачи-прекршители им се изготвени соодветни платни налози и едно барање за поведување прекршочна постапка против правно и одговорно лице. Во акцијата откриени се и 14 други видови прекршоци, вели Марјан Јосифоски портпарол на СВР Тетово.
Во слична акција, спроведена вчера на гостиварското подрачје, контролирани биле 31 возило, претежно автобуси и комбиња. Според Јосифоски, осумнаесет од нив испратени се на технички преглед, при што кај шест е утврдена неисправност на сопирачките, 2 возила не отишле на технички преглед, а едно било технички неисправно.
На деветте прекршители изготвени им се платни налози и 1 барање за поведување прекршочна постапка.Покрај ова, откриени се и 3 други прекшоци (управување без возачка дозвола и истечена регистрација). Глобата за правните лица изнесува 2.000 евра во денарска противвредност.
- СВР Тетово, годинава става посебен акцент во планираните превентивно-контролни активности на возилата кои вршат јавен превоз на патници, со цел навреме да се откријат, санкционираат и отстранат технички и други недостатоци, а во функција на поголема безбедност на патниците и другите учесници во сообраќајот, подвлечува портпаролот Јосифоски.
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот