ВМРО-ДПМНЕ: СДСМ повторно ја задолжи државата
СДСМ не запира со расипничкиот однос со парите на граѓаните. СДСМ денес повторно ја задолжи државата. Власта денес се задолжи за 93 милиони евра.
Задолжувањето во Република Македонија, под власта на СДСМ стана пракса, а не исклучок. Не поминува недела, а власта да не се задолжи.
Од почетокот на годината до денес, односно за два ипол месеци, власта ја задолжи државата за над 790 милиони евра. Додека вкупниот нето долг во истиот период го зголеми за над 540 милиони евра.
И додека секојдневно се задолжуваме, економијата стагнира. Во 2017 година не е остварен економски раст, односно истиот е 0%. Градежништвото бележи пад од 20%, а пад бележиме и во други сектори. Бруто инвестициите бележат пад од 1%, што е показател за идните тенденции во економијата и јасно покажува дека лоши резултати не очекуваат и во иднина. Во вакви услови на стагнација власта наместо одговорно да се однесува со парите на граѓаните, истата секојдневно се задолжува.
Милиони задолжувања, а нула инвестиции. Партијата која од опозиција ветуваше инфраструктурен бум нема почнато ниту еден метар нов пат или автопат.
Граѓаните се разочарани. Власта работи спротивно на тоа што го ветуваше. Власта се задолжува, целосно нетранспарентно и без основа.
Оваа власт не работи во полза на граѓаните. Оваа власт не води грижа за интересот на државата и нејзиниот развој. Колку побргу си замине оваа расипничка власт, толку подобро за македонската држава и економија.
Ново на Сител
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО