ВМРО-ДПМНЕ: Предвремени парламентарни заедно со локалните избори за излез од кризата
ВМРО-ДПМНЕ денеска преку соопштение уште еднаш порача дека останува на својата понуда, доколку СДСМ се откаже од тиранската платформа и реализацијата на елементите содржани во неа, ќе му даде поддршка на Зоран Заев да формираат влада.
- Единствен излез од оваа ситуација е аболицираниот Зоран Заев и криминогеното раководство на СДСМ да соберат храброст и да ја отфрлат тиранската платформа, наведуваат од ВМРО-ДПМНЕ.
Според ВМРО-ДПМНЕ, предвремени парламентарни избори заедно со локалните се решение од кризата бидејќи, како што се наведува, граѓаните тогаш ќе може јасно да одлучат дали ќе ја поддржат тиранската платформа и елементите содржани во неа.
- По најавата на уценетиот Зоран Заев за отворање дебата за елементите од тиранската платформа, дебатата почна да се реализира на дело. Човекот што го навредуваше и потценуваше македонскиот народ во секоја своја изјава, Питер Ванхауте ја откри крајната цел на ова сценарио, а тоа е федерализација на Република Македонија, стои во соопштението.
Од ВМРО-ДПМНЕ потсетуваат дека албанската пратеничка Месила Дода се заканила доколку Заев отстапи од платформата, тогаш сите Албанци ќе се ангажираат околу остварување на сонот за Илирида. Зијадин Села, како што се наведува, јавно го негира македонскиот идентитет и вели дека пред 100 години не постоеле Македонци и кажа оти не го почитува знамето, грбот и химната на Република Македонија. Трифун Костовски, како што се наведува, дрско и без срам јасно говори дека треба да им се одземе правото на Македонците по потекло од Егејска Македонија да го кажат сопственото мислење и да се борат во заштита на највисоките државни и национални интереси.
- Јавноста со право е загрижена. Јавноста може да претпостави дека оваа дебата, односно пазарење со националните и државни интереси, ќе заврши со редефинирање на државата, стои во соопштението од ВМРО-ДПМНЕ.
Ново на Сител
-
ЦУК: Куче паднало во шахта и ги изгризало оптичките кабли, без интернет биле „Филип Втори“ и Поликлиника „Букурешт“
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата