ВМРО-ДПМНЕ бара одговорност од Таравари
ВМРО-ДПМНЕ бара директна одговорност за двајцата починати и ширење на смртоносна болест во гостиварско од министерот за здравство, Арбен Таравари.
Во партиското соопштение се наведува дека причина за немањето дијагноза за причинител од која починаа две лица, а шест се во животна опасност е тоа што нема реагенс во Институтот за јавно здравје, а пак причината за можност за големи ризици и нови загрозувања е фактот дека не воспоставиле карантин, а биле должни да воспостават.
- Во овој момент најмалку што може да направи министерот Таравари е да си поднесе оставка, посочуваат од ВМРО-ДПМНЕ.
Од ВМРО-ДПМНЕ наведуваат дека неспособноста на Владата на СДС и премиерот Зоран Заев започна да одзема и човечки животи. - За само неколку дена поради негрижата на министерот за здравство Таравари однесе два човечки животи на возраст од 47 и 23 години. Оваа трагедија Владата на Заев се обиде да ја заташка, македонската јавноста да не дознае, стои во соопштението.
Граѓаните, како што се наведува, имаат право да знаат дека се шири смртоносна болест низ државата и да знаат дека во животна опасност се уште шест лица кои се во моментов на инфективната клиника.
ВМРО-ДПМНЕ посочува дека граѓаните ја виделе неспособноста и неодговорноста на Таравари, кој според нив, наместо да прави пи-ар стратегии и да праќа честитки од луксузните хотели во Америка треба да се фати за работа, и да го спречи ширењето на оваа заразна болест во Гостивар и гостиварско.
Ново на Сител
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување
-
Во рамки на акцијата „Темпули“ полицијата во Тирана уапси 20 лица и заплени кокаин, хероин и канабис
-
Приведени 14 државјани на Србија кои измамиле германски државјани за милион евра