Вечерва пронајдени телата на патниците, нема преживеани
Шестмина патници и членови на екипажот имало во авионот марка „Пајпер“ кој попладнево беше исчезнат од радарот на Контролата на летање при скопскиот аеродром „Александар Велики“.
Полицијата потврди дека сите шестмина патници се загинати, но нивниот идентитет се уште не е утврден.
Но италијанските медиуми објавија дека се работи за четворица Италијанци и за двајца косовски државјани.
Авионот бил приватен со германски национални ознаки, од типот „Пајпер Па 34-200 Т Сенека“. Полетал од Тревизо, Италија, а крајната дестинација му била Приштина. Над Македонија требало да изврши прелет и бил пријавен на аеродромот „Александар Велики“-Скопје за дополнување гориво.
Исчезнувањето на авионот од радарот денеска попладне во 17.40 часот во МВР го пријавила Контролата на летање на скопскиот аеродром.
За оваа авионска несреќа известен е и јавен обвинител, а полициските екипите остануваат да го обезбедуваат местото на настанот.
Според официјалните информации, авионот бил пронајден урнат во Кремење, атар на село Кожле.
Ново на Сител
-
Вреди: Не треба да се отвораат старите рани
-
Победа над Фарски Острови - македонските ракометари се пласираа на Светско
-
Пендаровски се заблагодари на граѓаните за укажаната доверба
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден