Зеленски: Се надевам дека разговорите ќе донесат мир што е можно побрзо

Украинскиот претседател Володимир Зеленски денеска пред почетокот на разговорите со американскиот претседател Доналд Трамп во Мар-а-Лаго на Флорида изјави дека се надева дека разговорите ќе донесат мир „што е можно побрзо“.

Зеленски изјави дека на состанокот ќе се разговара за стратегиите за напредок во реализацијата на планот за завршување на војната во Украина, објави Би-Би-Си.

На прашање дали верува дека ќе има територијални отстапки, тој рече дека на состанокот ќе се разговара и за таа тема.

„Украинските и американските тимови составија 90 проценти од планот во 20 точки и ќе разговараме за сите точки, вклучително и за прашањето за териториите“, рече Зеленски. 

МИА