-->
-->
Вардар го претстави Јаневски пред дуелот со Фенербахче
-->
Македонскиот фудбалски шампион Вардар под водство на новиот тренер и поранешен играч на овој клуб Чедомир Јаневски ќе се појави на утрешниот дуел од баражот од Лига Европа против турската екипа Фенербахче. На прес конференцијата пред дуелот новиот стратег на „црвено-црните“ истакна:
- Сакам да се заблагодарам на управата на ФК Вардар што мене ми ја додели улогата да се вратам во клубот што ја направив најголемата афирмација. Ќе продолжиме таму каде што клубот застана и ќе се обидеме да придонесеме за македонскиот фудбал. Гледав неколку натпревари, нема многу промени во играчиот кадар. Единствено моите замисли како треба да играме ќе треба да ги вметнам. Фенербахче добро го познаваме, го скаутиравме, ова е голема шанса за оваа генерација да постигне успех, истакна Јаневски.
Јаневски потпиша двегодишен договор со Вардар, а неговиот последен ангажман беше во белгискиот клуб Васланд Беверен. Тој претходно беше и селектор на македонската репрезентација.
Капитенот на „црвено-црните“ Бобан Грнчаров ја знае големината на утрешниот ривал Фенербахче, но смета дека тој и неговите соиграчи имаат втора историска шанса.
- Пред нас е голем противник, можеби најголемиот што играл во Скопје последниве години. Фенербахче има играчи кои сами можат да го решат натпреварот, но ние сме подготвени за предизвикот и да ја израдуваме македонската публика, изјави Грнчаров.
Натпреварот Вардар - Фенербахче се игра утре на Националната Арена „Филип Втори“ со почеток во 20 часот.
фото: www.ekipa.mk
-->
-->
-->
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп