Турското обвинителство бара до 142 години затвор за курдскиот лидер Селахатин Демирташ
Турското обвинителство денеска побара до 142 години затвор за копретседателот на главната курдска партија во Турција, Селахатин Демирташ, кој е обвинет за поврзаност со нелегалната Курдска работничка партија (ПКК).
Меѓу обвиненијата, поднесени против Демирташ, се „раководење со терористичка организација“, „вршење на терористичка пропаганда“, „поттикнување на насилство и омраза“, „воздигнување на криминал и злосторник“, за што обвинителството за него бара затворска казна меѓу 43 и 142 години.
Обвинителството во Дијарбекир побарало исто така и меѓу 30 и 83 години затвор за копретседателката на Демократската партија на народите, Фиген Јуксекдаг. Таа е обвинета за „прекршување на законот за протести и собири“, „поттикнување на насилство и омраза“ и „провоцирање на луѓе за извршување на злосторства“.
Демирташ и Јуксекдаг беа уапсени во ноември минатата година заедно со уште десетмина други пратеници од истата партија.
Ново на Сител
-
Христијаните го празнуваат Велики петок
-
Обичаи и верувања за Велики петок
-
Дали и кој ќе им ги врати парите на граѓаните кои платија поскапо осигурување за регистрација на возилата?
-
Дали Токсикологија е одраз на функционирањето на здравствениот систем?
-
Македонија на 36-то место на индексот за слобода на медиумите за 2024 година на „Репортери без граница“
-
Тивок бојкот или уште поголема излезност? Мицкоски уверува дека цензусот за Силјановска е обезбеден
-
Претседателски избори 2024
-
Годишнина од масакрот во училиште во Белград