Трамп се договори со европските лидери за зајакнување на притисокот врз Пјонгјанг
Американскиот претседател Доналд Трамп се договорил со претседателот на Европскиот совет, Доналд Туск и со шефот на Европската комисија, Жан-Клод Јункер да биде зајакнат притисокот врз Северна Кореја, соопшти Белата куќа по денешната средба во Брисел меѓу Трамп и лидерите на ЕУ.
Лидерите разговараа околу заедничките за САД и ЕУ предизвици во борбата против глобалниот тероризам и заштитата на своите национални територии, се наведува во соопштението.
Тие се согласија дека е неопходно да работат заеднички во продлабочување на соработката во областа на безбедноста, со цел борба против Исламска држава, спротивставување на радикализацијата и реакција на заеднички закани.
Исто така, била разгледана и заканата од страна на Северна Кореја и се согласија да работат заедно, со цел уште повеќе да го изолираат севернокорејскиот режим на политички и економски план.
Ново на Сител
-
МВР: Екстрадиран Љупчо Палевски, пренесен е во КПУ Затвор Скопје
-
АМСМ: Камионите се пренасочуваат од Блаце, има проблем со терминалот
-
Путин: Руските сили напредуваат на сите фронтови во Украина
-
Герапетритис: Ќе бидеме строги за верното и доследно спроведување на Договорот од Преспа од Северна Македонија
-
Палчо вечерва слетува во Македонија - ќе биде пренесен во Шутка
-
Грчки пратеник го искина Преспанскиот договор при собраниска седница
-
Пронајдена почината Аргентинка во хотелска соба во Охрид
-
Курти за вонредни избори во Косово: Опозицијата да се подготви, ние сме секогаш подготвени