Стружани осомничени за кражба во менувачница во Струмица
СВР Струмица поднесе кривична пријава против В.И. (61) од Струмица, С.М (31), А.Ш (25), М.Ш (20) и Р.Ш (48), сите од с.Лабуништа, општина Струга и против С.Д. (44) од Струмица осомничени за сторено кривично дело „тешка кражба” во струмичка менувачница.
- На 24 спроти 25 септември 2016 година, во периодот од 19 часот до 7 часот утрото, второ, трето, четврто и петтопријавениот, по претходно посочување од страна на прво и шестопријавените и договор да извршат кражба, со погоден предмет насилно ја отвориле влезната врата од менувачницата во Струмица, влегле внатре и одзеле метален сеф сместен под работното биро, наведуваат од МВР.
Како што се посочува, во сефот имало 3.700 евра, 1.360 американски долари, 1.175 канадски долари, 2.000 австралиски долари, 1.500 англиски фунти, 300 шведски круни, 100 лева, 64.000 денари, шест златни женски прстени, еден златен привезок со женски лик во вид на круна и женска нараквица. Откако го одзеле сефот второ, трето, четврто и петтопријавениот заминале за Лабуништа. Со извршеното кривично дело пријавените предизвикале материјална штета во висина од 1.254.600 денари.
По наредба на судија на претходна постапка вчера бил извршен претрес кај прво и шестопријавениот и по целосно расчистување и документирање на делото се лишени од слобода и предадени на судија на претходна постапка. На второ, трето, четврто и петто пријавените, со наредба на судија на претходна постапка, им е одредена мерка притвор во траење од 30 дена.
Ново на Сител
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево
-
14-годишник ненадејно починал во битолско, му се слошило додека бил на роденден
-
Галант го информира Блинкен за операцијата во Рафа