Состанок во Министерството за правда за Старегијата за реформи во правосудството
Во Министерството за правда се одржа координативен состанок со сите засегнати институции, организации и здруженија во врска со стратегијата за реформа во правосудниот сектор.
Како што соопшти Министерството за правда, на состанокот, покрај министерот за правда Билен Саљији, обраќање имале и заменикот на министерот за правда Оливер Ристовски, како и претседателот на работната група за изготвување на Стратегијата за реформа на правосудниот сектор Ана Павловска-Данева.
- Министерот имаше кратко излагање за Планот 3-6-9 на Владата на Република Македонија во насока на спроведување на „Итните реформски приоритети“. Тој истакна дека Министерство за правда е главен носител на реформите во правосудството, но заедно со сите чинители на правосудниот систем, стои во соопштението.
Целта на оваа средба, се наведува, е активно вклучување и учество на сите чинители во правосудството во процесот на изготвување на стратегијата. Присутните биле информирани дека во рамките на Министерството за правда е формирана работна група за изготвување на стратегијата за реформа на правосудниот сектор со акциски план.
По отворената расправа и дискусија на сите учесници на состанокот министерот Саљији ги повикал присутните да дадат конструктивен придонес во реформата, на начин што сите свои забелешки, сугестии, истражувања, мислења и ставови да ги достават до работната група за изготвување на стратегијата во Министерството за правда.
- Министерот го истакна своето очекување за успешна соработка и успешен исход на сите чинители во правосудниот сектор, се наведува во соопштението.
Ново на Сител
-
Алтернативните форми на туризам се поактуелни на туристичкиот пазар
-
Тема на денот со Павле Воскопулос - „Виножито“
-
Преглед на вестите од светот
-
Мицкоски се поблиску до 2/3 мнозинство во собранието
-
Официјална Атина продолжува да предупредува за непочитување на Преспанскиот договор
-
Детектор: Членството во НАТО ни ја зголеми безбедноста, но не го забрза патот до ЕУ
-
Јавен обвинител ќе го истражува хаосот со хирушките сали на Клинички
-
Лицата со дијабетес бараат референтни цени, а не тендери за инсулин и дијабетични помагала