Шест милиони евра за обнова на регионалниот пат Битола-Ресен-Буково
До крајот на годинава се очекува да бидат завршени активностите за обнова регионалниот патен правец Битола-Ресен-Буково.
- Станува збор за инвестиција во вредност од шест милиони евра со која ќе бидат реконструирани 27 километри, истакна министерот за транспорт и врски Владо Мисајловски, при денешниот увид на градежните активности.
Мисајловски рече дека регионалниот пат се асфалтира и оти очекува првите седум километри да бидат завршени за месец до два и дел од патот од Битола кон Ресен да биде пуштен. - Исто така, паралелно се работи на патот од Ресен кон Битола со што ќе се исполнат моите очекувања до крајот на годината комплетни да бидат рехабилитирани и санирани овие 27 километри. Овој проект е многу значаен за двата града и е составен дел на нашата програма, посочи Мисајловски.
Градоначалниците на Битола и на Ресен, Владимир Талески и Ѓоко Стрезовски, истакнаа дека патот е од исклучителна важност за двете општини и југозападниот регион.
- Жителите на двете општини ќе добијат нова реконструирана делница која ќе ја зголеми безбедноста на сообраќајот во кој често учествуваат големи тешки товарни возила кои вршат превоз на јаболковиот род, рече Стрезовски.
Реконструкцијата на регионалниот пат Битола-Ресен-превој Буково ја вршат градежните компании „Гранит“ и „Илинден“.
Ново на Сител
-
Коалицијата „Европски фронт“ доставила приговор до ДИК за прегласувањето во Желино
-
ЦУК: Во тек акција за пронаоѓање и извлекување залутани лица на опасно стрмно место меѓу село Кожле и Велес
-
Несудената актерка која го создаде Мој ДДВ | Сања Лукаревска | Неформално | Sitel Podcast 039
-
РКЕ најaвува продолжување на евтината тарифа до 16 часот
-
Во Чашка затекнати двајца дрвокрадци од Прилеп
-
Комесар на СЕ за човекови права: Со Резолуцијата за Сребреница, светот се залага за правата на жртвите
-
Пронајдена дрога кај девет гости во скопски дискотеки
-
Пожар во куќа во центарот на Штип