Сешнс го смени поранешниот директор на ФБИ, два дена пред да се пензионира
Американскиот министер за правда, воедно и државен обвинител, Џеф Сешнс му даде отказ на поранешниот директор на ФБИ, Ендрју Мекејб, само два дена пред неговото пензионирање.
Таквата одлука беше очекувана, откако Мекејб веќе подолг период и многу често е мета на критики и несогласувања од американскиот претседател Доналд Трамп, објавија западните медиуми.
Сешнс го смени Мекејб врз основа на препораките на дисциплинската комисија на ФБИ.
- Јас сум жигосан и третиран на ваков начин поради улогата која ја имав, дејствијата кои ги преземав и настаните на кои бев сведок по отстранувањето на Џејмс Коми, изјави Мекејб веднаш по одлуката на министерот за правда за негова смена.
Отказот веројатно ќе покрене многу прашања дали Мекејб е казнет премногу сурово поради политички притисок од страна на Трамп, кој жестоко го критикуваше на Твитер и бараше негова оставка.
Трамп одлучи да го смени и советникот за национална безбедност на Белата куќа, Херберт Рејмонд Мекмастер, откако на почетокот на неделава му даде отказ и на државниот секретар на САД, Рекс Тилерсон.
Ново на Сител
-
Г.г. Стефан: Да ги зацврстиме единството и слогата, да ги надминеме разногласијата и меѓусебните поделби
-
Италија ја исклучи можноста за воена интервенција во Украина
-
Русија распиша потерница и за командантот на копнените сили на Украина, Пављук
-
Шолц го осуди нападот врз европратеник од германската Социјалдемократска партија
-
Состојба на патиштата
-
Претежно сончево и потопло
-
Се запали казино во Охрид | ВИДЕО
-
Мицкоски: Скандалозно е вицепремиер да бара од компании да гласаат за СДСМ бидејќи добиле државна помош