Русија ја запре испораката на гас за Украина
Руската компанија за нафта и гас „Газпром“ ја запре денеска испораката на гас за Украина, откако владата во Киев не го уплати авансот за продолжување на испораката, како што е тоа договорено.
Извршниот директор на „Газпром“ Алексеј Милер изјави дека Украина го искористила целото количество гас, за кое претходно имала уплатено.
Милер предупреди дека неможноста на украинските власти да продолжат да купуваат повеќе гас, би можело да предизвика ризик во снабдувањето со гас на останатиот дел од Европа.
По избувнувањето на украинскиот конфликт и судирот меѓу Киев и Москва, испораките на гас за украинските потреби, беа прекинувани на неколкупати.
- Доколку Украина одбие да купува руски гас, тоа ќе предизвика серизони последици за транзитот на гасот преку украинската територија, како и за снабдувањето на потрошувачите во Украина, изјави Алексеј Милер.
Околу 15 отсто од гасот за земјите од Европа, минува низ територијата на Украина.
Најновиот прекин на испораката, доаѓа три денови по соборувањето на четирите далноводи, преку кои се транспортираше струја од Украина за полуостровот Крим, со што два милиони жители и локалната индустрија се без електрична енергија, а некаде и без греење.
Властите во Киев, не го осудија соборувањето на далноводите, што во Москва беше оквалификувано како „терористички акт“.
Од пред 24 часа, украинската влада почна и трговска блокада кон Крим, што од март 2014 година е под контрола на Русија, на тој начин што го забрани товарниот транспорт од Украина кон полуостровот.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување