Реализиран проектот за енергетски ефикасна училишна зграда на СУГС „Орце Николов“
Градоначалникот на Град Скопје Коце Трајановски, заедно со Луиза Винтон од УНДП, денеска во СУГС„ Орце Николов“ го промовираа заедничкиот проект на Град Скопје и УНДП за реконструкција на училишната зграда со мерки за енергетска ефикасност.
Како што соопшти Град Скопје целиот проект чини 3.588.057 денари, а финансиските средства за реализација се собрани по пат на кофинансирање на Град Скопје и УНДП, од кои Градот учествува со 2.000.000 денари.
- Во ова училиште се заменети сите стари прозорци со енергетско ефикасни, поставен е нов покрив со изолација и исто така е поставена изолација од внатрешна страна на надворешните ѕидови со стиропор со дебелина од 10 сантиметри. Во текот на градежниот зафат е освежена и фасадата, односно се бојадисани само циглите - 506 метри квадратни, а бојадисани се и сите грејни тела во училиштето, на кои што им се инсталирани 163 нови вентили. Со преземањето на овие мерки за енергетска ефикасност се предвидува заштеда на енергија околу 30 отсто, како и подобрување на амбиенталната температура во просториите, рече Трајановски.
Градот Скопје, продолжи Трајановски, има изготвено проекти за реконструкција на фасади со мерки за енергетска ефикасност за сите средни училишта кои се под негова надлежност и во текот на следните години планира да ги реализира тие проекти.
Луиза Винтон од УНДП го изрази своето задоволство од одличната соработка со Градот и ги посочи за нив трите главни придобивки од реализацијата на овој проект, а тоа се заштедата на трошоците за греење за 30 проценти, намалувањето на емисиите на штетни гасови и создавањето на попријатни услови за учење и работа на учениците и наставниот кадар во училишниот објект.
Ново на Сител
-
ССМ пресмета: Месечно потребни се над 1,000 евра за да се преживее
-
Земјоделците од Иловица и Штука блокираа пат поради откупната цена на младиот компир од само 15 денари
-
Хируршките сали не работат со денови - Бесија Иљази од токсикологија забрани изјави за новинари
-
ССЗ против намерата за припојување на болницата во Лешок кон Клиничката во Тетово
-
Полиција и куп инспектори влегоа во забавниот парк во Карпош
-
Амбер Алерт: Кои чекори треба да ги преземете ако вашето дете исчезне?
-
КСЗД го презентираше извештајот за минатата година
-
Две лица осомничени за поткуп – се чека притвор за врховниот судија