Путин: Мигрантската криза во Европа беше очекувана
Рускиот претседател Владимир Путин изјави дека кризата со мигрантите во Европа била целосно очекувана, пренесува Тасс.
- Сметам дека тоа е една целосно очекувана криза. Ние во Русија, вклучувајќи ме и мене, рековме дека ќе има големи проблеми доколку нашите таканаречени западни партнери водат толку погрешна политика, особено надворешна политика, во регионите на муслиманскиот свет, во регионите на Блискиот Исток и Северна Африка. Тие продолжуваат да водат таква политика, изјави Путин пред новинарите во Владивосток.
- За каква политика станува збор? Станува збор за наметнување на сопствените страндарди, без да се земат предвид историските, религиозните, националните, културните особености во тие региони. Тоа е пред се политика на нашите американски партнери, оцени рускиот претседател.
Путин изјави дека е изненаден од тоа што американските медиуми ја критикуваат Европа за лош однос кон мигрантите, додека САД се оние кои го предизвикаа тој проблем.
- Јас со чудење гледам како некои американски средства за масовно информирање ја критикуваат Европа за прекумерната, според нив, жестина кон емигрантите, рече Путин. Тој потенцира дека САД не се толку погодени од миграциониот поток, додека Европа „слепо ги следи американските упатства“, и поради тоа многу повеќе страда.
Ново на Сител
-
Закани кон претседателката на Уставен суд Добрила Кацарска, пријавено во МВР
-
Совет на Европа: Македонските затвори се почисти, но во нив и натаму има корупција и лош третаман
-
СПМ: Не сме изненадени од изјавите на одредени домашни лица и нивното упорно користење на „северна“
-
Тешка сообраќајка на патот Кичево-Охрид, повредени три лица
-
Пронајдена неиспукана артилериска граната покрај железничката пруга во атар на село Виничани
-
Герасимовски: Пријавувајте проблеми со јавна чистота, досега пријавени 159 проблеми
-
Викендов променливо и нестабилно време, со локален пороен дожд и појава на невреме
-
Претрес во Битола, пронајдена дрога