Путин им се заблагодари на Русите и побара да го одржат единството
Реизбраниот руски претседател Владимир Путин синоќа се појави на концерт во Москва по повод годишнината од анексијата на Крим и им се заблагодари на граѓаните на поддршката што му ја дадоа.
Концертот „Русија.Крим.Севастопол“ беше одржан на плоштадот Мањежни во центарот на Москва.
- Ви се обраќам вам, кои се собравте тука, но и на сите приврзаници ширум земјата. Ви благодарам за резултатот, рече Путин.
Тој нагласи дека во поддршката ја гледа довербата на граѓаните и надеж за понатамошен развој на земјата и ги повика Русите да го одржат единството.
Путин на Крим освои повеќе од 90 отсто од гласовите, покажаа податоците на Централната изборна комисија. Тоа беа први руски претседателски избори на кои учествуваа граѓаните на Крим.
Изборите беа одржани на денот кога се навршуваа точно четири години откако Крим и Севастопол беа анексирани кон Русија, што западните земји го оспоруваат барајќи почитување на територијалниот интегритет на Украина
Ново на Сител
-
Почина таткото на Тоше, Никола Проески
-
Од утре до понеделник јавниот превоз во Скопје по неделен возен ред
-
Изречени 34 санкции за возење под дејство на алкохол на подрачје на СВР Битола
-
Пронајдено лице пријавено за изгубено во Парк - шумата Водно
-
Претрес во Мала Речица, пронајдена дрога
-
ЦУК: Три пожари на отворено, апел за внимателност поради наглите метеоролошки нестабилности
-
Уставниот суд ќе ја одржи 15. седница
-
Арсенал се надева дека Жоргињо ќе го продолжи договорот