Проект за јакнење на младинските совети и вклучување на младите
Подобрување на младинското учество во демократскиот живот преку подобрување на функцијата и улогата на веќе постоечките совети на млади има за цел проектот „Учество на младите во процесот на донесување на одлуки“, на Коалиција на младински организации СЕГА и Агенција за млади и спорт.
Како што информираат од Сега, проектот се спроведува во Кавадарци, Штип, Свети Николе, Теарце, Радовиш, Струмица, Неготино, Гази Баба, Скопје и Прилеп, со поддршка од Национална агенција за европски образовни програми и мобилност, преку програмата Еразмус+.
Извршниот директор на СЕГА Зоран Илиевски рече дека активностите и дискусиите треба да дадат јасни препораки за тоа како да се зголеми младинското учество преку зајакнување на функцијата на Советите на млади.
- Вклучувањето на сите засегнати во структурен дијалог ја покажува нашата вистинска желба и потреба да се унапреди овој процес во кој сите релевантни страни ќе дадат свој активен придонес, изјави Илиевски.
Коалицијата на младински организации СЕГА ја сочинуваат 21 членка и е формирана во 2004 година со цел да придонесе кон процесот на креирање и имплементација на Националната стратегија за млади на Македонија и да помогне во исполнување на потребите на младите.
Ново на Сител
-
Апсења на аеродромот во Скопје и на границата „Деве Баир“
-
Димовски: Потребна ни е сплотеност и единство за опстојување и сочувување на македонската држава
-
Возач загина откако удрил со возило во надворешната капија на Белата куќа
-
Тешка сообраќајка на патот Дебар-Маврово, двајца повредени
-
Сообраќајот непречено по наместа влажни коловози
-
Бернар Арно прв на листата на најбогати луѓе во светот, Маск на третото место
-
Драма во Кавадарци: 18-годишник нападнал полицајци кои се обидувале да приведат побегнат затвореник
-
Меси се запиша во историјата на МЛС лигата – Гол и пет асистенции