Пробиштип ќе добие Музеј на ретки минерали
Рударскиот град Пробиштип ќе добие Музеј на ретки минерали, неговата реализација ќе почне годинава, најави градоначалникот на Општина Пробиштип, Драган Анастасов. Музејот на ретки минерали ќе чини 12 милиони денари, од кои девет милиони денари ќе се обезбедат преку Бирото за рамномерен регионален развој и Министерството за локална самоуправа, а останатите три милиони денари се планирани од буџетот на Општина Пробиштип.
– Овој единствен музеј од ваков вид кај нас треба да го прикаже развојот на рударството во Република Македонија. Во Пробиштип постои богата збирка од ретки минерали којашто збирка моментално се чува во Домот на културата „Злетовски рудар“, вели Анастасов.
Музејот на ретки минерали треба да биде дел од туристичката понуда на Пробиштип, којшто на туристите им го нуди преубавото и живописно село Лесново, потоа старата населба Злетово, кадешто се уште работат познатите злетовски грнчари и ги изработуваат македонските бардаци, глинeни тави, котлиња и најразлични сувенири. Овој Музеј на ретки минерали предвидено е да служи и како едукативен центар за студентите на факултети по рударство и геологија. Проектот е од регионален карактер и ќе овозможи поголем развој на туризмот во Источно планскиот регион.
Ново на Сител
-
Осумдесетгодишник од Теарце со изгореници заврши во болница откако му се запали домот
-
Силјановска-Давкова утре ќе го почне претседателскиот мандат со свечена изјава во Собранието
-
Честитка до Мицкоски од МД „Илинден" и Македонците во Албанија, за двојната победа на изборите
-
Силјановска Давкова: Добивањето на уверението од ДИК и прогласувањето во Собранието се формално финале на изборите
-
Приведени двајца кумановци за поседување дрога
-
Променливо време со повремен дожд и во наредните денови
-
Априлската инфлација во Албанија 2,1 отсто и понатаму најниска во регионот
-
Српско МВР: Се утврдуваат фактите и околностите под кои во полицијата починал Д.Д. осомничен за случајот со Данка И.