Премиерот Заев се сретна со претставници на здружението „Бранител 2001“
Премиерот Зоран Заев, придружуван од министерот за внатрешни работи Оливер Спасовски денеска со сретна со претседателот на Здружението на воени инвалиди „Бранител 2001“ Костадин Стојановски кој беше придружуван од потпретседателите на здружението.
На средбата, како што соопшти владината служба за информирање, се разговарало за досегашната државна помош за семејствата на воените инвалиди и за можностите за продолжување на оваа поддршка.
- Претставниците на Здружението на воени инвалиди ги презентираа своите барања и препораки и посочија на долгогодишни проблеми со кои се соочуваат, а се поврзани со притисоци, неажурност на институциите во извршувањето на законските обврски и за долгогодишните нерешени станбени прашања за воените инвалиди припадници на МВР, се вели во соопштението.
Во исто време, од „Бранител 2001“ пренеле и позитивни искуства во последните неколку месеци за отворањето на институтициите како сервис за решавање на нивните проблеми и во таа насока особено ја поздравиле работата на Министерството за труд и социјална политика.
Премиерот Заев и министерот Спасовски изразиле силна поддршка за воените инвалиди и нивните семејства, и во таа насока, посочиле дека нивните барања и предлози ќе бидат сериозно разгледани и ќе бидат изнајдени решенија согласно законските прописи.
Ново на Сител
-
СПМ: Ковачевски, Фатмир Битиќи и Бојан Маричиќ за грешките мора да си одат и да одговараат
-
Неготинец нападнал малолетник во сендвичарница
-
ССМ ги повикува работниците на протест по повод Меѓународниот ден на трудот 1 Мај
-
Хоспитализирани четири лица со голема кашлица, нови 27 случаи
-
Продолжува кампањата за претседателски и парламентарни избори на 8 мај
-
Свечена промоција на нови полициски службеници во Идризово
-
Во понеделник ќе се знае дали ќе поскапи полисата за задолжителното авто осигурување
-
Кикбоксерот Бобан Илиоски светски првак во ВАКО ПРО