Подготвителни работи за реконструкција на магистралниот пат Кочани-Делчево
Градежната фирма „Гранит“ почна со подготвителните градежни работи за санација на свлечиштата и на магистралниот пат Кочани-Делчево.
Градежната екипа во моментов го санира свлечиштето на патот виничко село Истибања-Македонска Каменица, кај браната Калиманци.
- Почнато е со подготвителни работи, поставување на сигнализација и почнување со работа, односно со пристапен пат за да патот не биде затворен за време на работата. Ова е главното свлечиште кое ќе биде санирано, другите ќе бидат санирани со мрежи, во еден, два и три слоја, зависи од карактерот на свлечиштето, вели градежниот инжињер, Љупчо Стаменков Стаменков.
Градежните работи на овој магистрален пат кој води до македонско-бугарската граница кај Делчево ќе се одвиваат во наредните 16 месеци.
- Целиот пат ќе биде обновен од делница Превалец до Делчево со нов асфалтен слој, проширување на дел од мостовите кои се тесни и проширување на дел од патот, каде што е возмжно на кривините, вели Стаменков.
Реконструкцијата на магистралниот пат од Кочани до Делчево е во должина од 36 километри. Инвестицијата на Владата чини 10 милиони евра, со што ќе се постави нов асфалтен слој и ќе се обезбеди широчина на коловозот од шест метри.
Ново на Сител
-
Терзиќ: Во еден натпревар можеме да го победиме Реал
-
Собранието ги верификува мандатите на 118 пратеници
-
Автомобил удрил во велосипедист во Скопје и избегал од местото на несреќата
-
Намален бројот на дипломирани студенти минатата година во однос на 2022 година
-
АХВ: На македонскиот пазар не е пласиран сендвич со шунка контаминиран со листерија
-
Упасени двајцата малолетни хулигани поради претепување и убиство на братот на вицепремиерот на БиХ
-
Во март 79 отсто од потрошената струја од домашни извори
-
Мицкоски: Очекуваме поддршка од сите што се потпишани Гаши да биде претседател на Собранието