Петроски: Се политизира изградбата на автопатите
ВМРО - ДПМНЕ денеска оцени дека започнатата изградба на патиштата не треба да биде прекината од страна на Владата и посочи дека СДСМ треба да ги исполни дадените ветувања за изградба на 550 километри автопати и 600 километри магистрални патишта.
Осврнувајќи се на стопирањето на изградбата на автопатите Божидар Петроски од ВМРО-ДПМНЕ изјави дека СДСМ ја политизира изградбата на автопатот Кичево - Охрид не земајќи ја предвид важноста на проектот.
- Секаде во светот при изградба на големите инфраструктурни проекти, се појавуваат одредени проблеми, но задача на одговорните ресори е да пронајдат решенија за отстранување на тие проблеми и навреме да се довршат овие проекти за кои потребно е многу време да се подготват и да се реализираат. Исто така секој ден одложување на изградбата значи и загуба за економијата и туризмот поради лошата инфраструктурна поврзаност и слабиот проток на возила која постои во моментов, рече Петроски.
Тој посочи дека се проблематизира и пуштањето на автопатот Демир Капија - Смоквица и изградбата на експресниот пат Прилеп - Градско, а прекината е и градбата на автопатот Штип - Миладиновци.
Ново на Сител
-
Коалицијата „Европски фронт“ поднела тужба пред Управниот суд на решението на ДИК за прегласувањето во Желино
-
Македонските иселеници од Италија благодарни за честа искажана од претседателката Сиљановска Давкова
-
Претрес во Скопје, приведени двајца дилери
-
Мицотакис: Очекувам јасна изјава од новиот премиер дека името е Северна Македонија и ќе го користи во и вон земјата
-
Папата употребил навредлив термин за геј популацијата, Ватикан експресно се извини
-
Царинска управа на Србија: На преминот Прешево спречен шверц на черепи на девет дивокози и од волк
-
Средба на Мицкоски со Мануел Сарацин, потенцирана важноста за реформските процеси
-
Албанските медиуми: Африм Гаши нов претседател на Собранието на Северна Македонија, поддржан од победничката ВМРО-ДПМНЕ