Патот Кочани - Македонска Каменица во прекин, се работи на отстранување на одронот
Од Јавното претпријатие за државни патишта (ЈПДП) очекуваат до утре да биде отстранет одронот на патот Кочани - Македонска Каменица во близина на село Истибања и да се нормализира сообраќајот што е во прекин од саботата.
- Вчера е направено дополнително минирање на остатокот од ризичната карпа, во текот на денов треба да се утврди дали ќе биде потребно уште едно минирање по што теренот ќе се расчисти и ќе се оспособи патот, велат за МИА од ЈПДП.
Проценките, насоките и активностите на терен ги спроведуваат екипи на ЈПДП, ЈП „Македонија пат“ и Градежниот факултет.
Во активностите е вклучена и градежна механизација на ГП „Гранит“ која таму е присутна поради тековната рехабилитација на патот.
До нормализирање на состојбата и целосно расчистување на одронот, се користи алтернативниот пат Кочани - Виница - Драгобрашта - Бигла- Македонска Каменица.
Одроните се честа причина за прекини на сообраќајот на патот Кочани - Македонска Каменица.
Досега се рехабилитирани 80 проценти од предвидените работи за рехабилитација на патот.
Ново на Сител
-
Љупчо Палевски Палчо екстрадиран од Турција и сместен директно во Истражниот затвор во Шуто Оризари
-
Тема на денот со Горан Илијевски - Партија на Македонците во Србија
-
Атентат врз словачкиот премиер
-
Флекс кредит и СОС Детско Село заедно за Денот на семејството
-
Предизборниот и постизборниот период продуцира економска криза, сметаат економистите
-
Со нож и се заканија на претседателката на Уставен Кацарска
-
Запален службениот автомобил на директорот на Идризово- оштетена и блиската зграда
-
Уставен го одби барањето на судиите да го врати коефициентот за повисоки плати