Паника во Струга, се запали депонијата, жителите загрижени

Пожарот, потпомогнат од ветрот се шири долж депонијата. Пожарникарските екипи се на терен и се обидуваат да го локализираат пожарот.

Струшките противпожарни екипи и локалното население од утринава водат битка со пламените јазици кои беснеат на струшката депонија. Битката со пожарот започнала денеска околу 11 часот, јавуваат загрижените граѓани кои на сајтот на Сител ги испратија овие фотографии.

Според извори од СВР Струга, засега е непозната причината за пожарот. Пожарот, потпомогнат од ветрот се шири долж депонијата. Густиот чад веќе започнал да им прави проблеми на жителите на околните села.  

Според првичните најави, екипите се на терен и се обидуваат да го локализираат пожарот.