Ослободен шведски државјанин кој беше киднапиран од Ал Каеда пред шест години
Шведскиот државјанин Јохан Густавсон ( 42), кој се наоѓаше во заточеништво во Мали, во Африка, од 2011 година, е ослободен, соопшти денеска Министерството за надворешни работи на Шведска.
Во соопштението се вели дека тој веке се наоѓа на пат за дома.
Густавсон беше киднапиран и одведен во непознат правец од припадниците на милитантната, исламистичка група Ал Каеда во исламистички Магреб, заедно со уште две други лица.
Едниот од нив, холандски државјанин, беше ослободен со интервенција на француските специјалци во 2015 година.
Шведскиот министер за надворешни работи Маргот Валстром изјави во Стокхолм дека ослободениот Густавсон се наоѓа во „добра духовна состојба“, но одби да дава повеќе детали за неговиот случај.
Таа само рекла дека неговото ослободување е резултат на интензивните напори и соработката на шведската дипломатија, полицијата и странските власти.
Француските специјални сили покренаа во 2013 година операции за откривање и елиминација на африканската Ал Каеда на територијата на Мали.
Повеќемина западни државјани беа киднапирани и одведени како заложници пред истоварувањето на француските трупи.
Ново на Сител
-
Бендевска: Преговорите меѓу ЗНАМ и ВМРО-ДПМНЕ се во крајна финална фаза
-
Верижен судир кај Долно Косоврасти, повредено лице пренесено во болницата „Свети Еразмо“
-
Сиљановска Давкова: Преспанскиот договор е правен акт и реалност, ќе го почитувам
-
Мицкоски на средба со пратениците од ВМРО-ДПМНЕ и Коалицијата „Твоја Македонија“
-
Во прекин сообраќајот на патот Весилево - с.Градошорци поради сообраќајка
-
Северна Кореја лансираше неидентификувана ракета
-
Убиен војник во престрелка меѓу египетската и израелската војска кај Рафа
-
Седница на Извршниот одбор на СДСМ за предвремените внатрепартиски избори за ново раководство