Обама и Ердоган телефонски разговарале за нападот во Суруч
Американскиот претседател Барак Обама и турскиот претседател Реџеп Тајип Ердоган телефонски разговарале за нападот во Суруч.
Според соопштението на прес-службата на Ердоган Барак Обама го осудил нападот и изразил сочувство за жртвите во самоубиствениот бомбашки напад, извршен од групата Исламска држава во Суруч, во кој загинаа најмалку 32 лица.
Обама, исто така, го осуди и убиството на двајца турски полицајци, за што презема одговорност забранетата Курдска работничка партија ПКК.
Двајцата лидери разговарале за потребата од зајакнување на соработката во борбата против ИД, потребата да биде обезбедена стабилност на Ирак и да биде најдено политичко решение на војната во Сирија, се посочува во соопштението.
Дел од разговорот меѓу двајцата претседатели бил посветен на зајакнување на соработката по иницијативите за зајакнување на безбедноста на турско-сириска граница, со цел да се спречи влегување на терористи.
Барак Обама специјално нагласил дека САД даваат големо значење на националната безбедност на Турција. Двајцата лидери, исто така, изразиле увереност дека ќе продолжат и во иднина да бидат во блиска соработка за проблемите во регионот.
Ново на Сител
-
Коалицијата „Европски фронт“ поднела тужба пред Управниот суд на решението на ДИК за прегласувањето во Желино
-
Македонските иселеници од Италија благодарни за честа искажана од претседателката Сиљановска Давкова
-
Претрес во Скопје, приведени двајца дилери
-
Мицотакис: Очекувам јасна изјава од новиот премиер дека името е Северна Македонија и ќе го користи во и вон земјата
-
Папата употребил навредлив термин за геј популацијата, Ватикан експресно се извини
-
Царинска управа на Србија: На преминот Прешево спречен шверц на черепи на девет дивокози и од волк
-
Средба на Мицкоски со Мануел Сарацин, потенцирана важноста за реформските процеси
-
Албанските медиуми: Африм Гаши нов претседател на Собранието на Северна Македонија, поддржан од победничката ВМРО-ДПМНЕ