Нови сообраќајни острови и заштитна ограда на булеварот „Партизански одреди“
Екипите на Град Скопје и на ЈП „Улици и патишта“ изградија сообраќајни острови по должината на булеварот „Партизански одреди“, на вкрстувањето на овој булевар со улицата „Аминта Трети“, кај Порта Буњаковец и на вкрстувањето на булеварот со улицата „Костурски херои“, спроти Конгресниот центар „Александар Македонски“.
Целта, како што соопшти Град Скопје, е да се зголеми безбедноста на учесниците во сообраќајот, а особено на пешаците и на велосипедистите.
При изградбата на сообраќајните острови целосно се реконструирани двете крстосници, поместени се семафорските темели и шахти, извршена е демонтажа на семафорските столбови и репрограмирање на светлосните сигнали. Обележана е хоризонталната сигнализација - пешачки премини и велосипедски патеки на двете локации и поставени се соодветни сообраќајни знаци.
Градските власти потсетуваат дека претходно на овие две локации постоеја по два пешачки премина на кратко растојание кои беа искосени, особено на вкрстувањето на булеварот „Партизански одреди“ со улицата „Костурски херои“. За да се зголеми безбедноста на пешаците, на двете локации сега е формиран по еден поширок пешачки премин.
Дополнително, на пешачкиот премин преку булеварот „Партизански одреди“ на вкрстувањето со улицата „Костурски херои“ е поставена ограда со двојна функција - да ги заштитува и да ги насочува пешаците да преминуваат во права линија на пешачкиот премин, зашто сообраќајните острови од двете страни на булеварот се асиметрични поради природната косина на улиците.
За реализација на овој проект Град Скопје има согласност и од Министерството за внатрешни работи.
Ново на Сител
-
ЦУК: Куче паднало во шахта и ги изгризало оптичките кабли, без интернет биле „Филип Втори“ и Поликлиника „Букурешт“
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата